FacebookMySpaceTwitterGoogle BookmarksLinkedinRSS Feed
Print

විදුලියනය අතින් ශ්‍රී ලංකාව දකුණු ආසියාවෙන්ම අංක එකට

on .

z pi-rs-15-b-u

සියයට සියයක් විදුලියනය කළ දකුණු ආසියාවේ එකම රට ශ්‍රී ලංකාව බව විදුලිබල හා පුනර්ජනනීය බල ශක්ති අමාත්‍ය රංජිත් සියඹලාපිටිය මහතා පවසනවා.

අමාත්‍යවරයා මේ බව ප්‍රකාශ කළේ ගාල්ල ලංකාගම ග්‍රාමයේ නිවාස 300කට විදුලිය ලබාදෙමින්ල රටම  "එළියයි-අඳුර" දුරලයි ජාතික ව්‍යාපෘතියට සමගාමීව විදුලිය ඉල්ලුම් කළ දෙලක්ෂ හැත්තෑපන්දහසක පාරිභෝගියකයන්ට එම සබඳතා ලබාදෙමින් සමස්ත දිවයිනේ ම විදුලියන ප්‍රතිශතය 100‍%ක් බවට පත්කිරීමේ අවස්ථාවට එක්වෙමින්.

 

මෙහිදී වැඩිදුරටත් අදහස් දැක්වූ රංජිත් සියඹලාපිටිය අමාත්‍යවරයා,

"ජනපති පදවි ප්‍රාප්තියට සමගාමීව තෙවසරක සංවර්ධන සංග්‍රාමය ඇරඹෙන මේ මොහොතේ අපි මේ වැඩසටහන දියත් කළේ වසරක් වැනි කෙටි කාලයක් ඇතුළතයි. 98‍%ක් විදුලිය ලබාදී තිබුණත් ඉතිරි 2‍% සම්පූර්ණ කරගැනීම ඉතා දුෂ්කර කටයුත්තක් වුණා. ඒ නිසා ජනාධිපතිතුමන්ගෙන් ලැබුණු නායකත්වයත්, අගමැතිතුමන්ගෙන් ලැබුණු මඟපෙන්වීමත් යට‍තේ විදුලිබල මණ්ඩලය සහ විදුලි පුද්ගලික සමාගමේ සේවකයින්ගේ දැඩි කැපවීමත් නිසා මේ ඉලක්කයට එන්නට අපට හැකිවුණා. කුප්පි ලාම්පු එළියෙන් පාඩම් කළ ලක්ෂ පහකට වැඩි දරුවන් පිරිසක් අද මෙම ව්‍යාපෘතියෙන් ප්‍රතිලාභ ලැබීම අප ලද සුවිශේෂ භාග්‍යයක් කොට සලකනවා. ඒ තමයි අප ලැබූ විශාලතම සම්මානය”, යැයි ප්‍රකාශ කළා.

 

මෙම අවස්ථාවට ගරු විදුලිබල හා පුනර්ජනනීය බලශක්ති නියෝජය අමාත්‍ය අජිත් පී. පෙරේරා මහතාද සහභාගි වුණා.